En beau papier je sçay tant bien signer,
Si vous plaisoit,
Monseigneur, me finer
Un cent escus, par vostre gentillesse :
J’aurois tantost contenté mon Hostesse,
Et m’en irois soubdain après disner.
Si vous voulez me faire confiner,
Ou bien la paye en un temps designer,
J’en suis content, pourveu que je la dresse
En beau papier.
Ne cuidez pas que vous veille affiner,
Ou caultement vostre argent rappiner,
Si respondent voulez que vous adresse,
Je le veulx bien, mais il n’est que promesse
Quand on la sçait saigement assigner
En beau papier.